A FUXIDA DO BOU RAMON

A FUXIDA DO BOU RAMON

Editorial:
DIPUTACIÓN PROVINCIAL DE LA CORUÑA
Año de edición:
Materia
Historia de Ferrol
ISBN:
978-84-9812-327-2
Páginas:
112
Encuadernación:
Rústica (Tapa blanda)
7,00 €
IVA incluido
En stock
Añadir a la cesta

En xullo de 1939, 27 republicanos escaparon neste pesqueiro cara a Francia // Fixeron a aventura disfrazados de falanxistas e gardas civís // O historiador Enrique Barrera considera que puideron ter a axuda soterrada dun alcalde franquista // Un libro cos seus familiares.

Ferrolterra viviu a súa propia Evasión ou Vitoria. Cunha auténtica fuxida de película, con dobres identidades, aliados inesperados e a liberdade como destino final. Aconteceu o 20 de xullo de 1939, recén finalizada a Guerra Civil e cun barco pesqueiro como protagonista. Os 27 republicanos máis buscados da zona lograron escapar no Bou Ramón, disfrazados de falanxistas, gardas civís e presos. Querían chegar a Inglaterra, pero unha tormenta levounos ata Francia. Polo camiño contaron cunha rede de solidariedade, que levaba tres anos traballando. E pola inesperada e involuntaria (ou non) axuda do alcalde franquista de Ares. Case 80 anos despois, a Asociación Memoria Histórica Democrática brinda unha homenaxe a estes 27 fuxidos e ás súas familias.

O concello aresán presentou o libro A fuxida do Bou Ramón: escrito por Enrique Barrera e Eliseo Fernández, con ilustracións de Fernando Ocampo e editado pola Deputación de A Coruña. O relato ben merece ser levado ao cine, ao máis puro estilo John Huston. Conta o historiador Enrique Barrera que "27 persoas agochadas durante a guerra reciben a noticia do triunfo de Franco, e saben que en cuestión de tempo serán capturados". As mulleres que exercían de enlaces trazan un plan para escapar a Francia, "o único modo de saír de Galicia era secuestrando un barco". Os fuxidos, como o alcalde republicano de Ferrol (Antonio Santamaría) e o de Ares, disfrázanse de gardas civís con pistolas de madeira e tricornios de charol, de milicianos da Falanxe e de presos. Só portaban dúas armas reais.

Coinciden no vello castelo de Ares. E incautan o barco facéndose pasar por membros da Garda Civil. O pesqueiro estaba pensado para viaxes curtas de dúas horas, pero chegaría a Francia pese a quedarse sen combustible. Como indica Barrera, "foi unha aventura cinematográfica".

(El Correo Gallego).

">