Á princesa Li espéralle unha misión importante: recuperar os cantos, os contos, os soños... dos habitantes do reino de Baldaio, que viven ameazados pola sombra do Círculo do Dragón.
A nosa protagonista decide percorrer todo o seu territorio co fin de recuperar as vellas historias que lle poden devolver a prosperidade ao seu reino.
Unha viaxe iniciática por un mundo de fantasía crítico co mundo real que nos levará a descubrir que os dragóns máis escuros se agochan na mente e, ademais, adoitan ser invisibles.
