LA IBENSE: UNA HELADERIA ARTESANA EN FERROL

LA IBENSE: UNA HELADERIA ARTESANA EN FERROL

Editorial:
EMBORA EDICIONES
Año de edición:
Materia
Historia de Ferrol
ISBN:
978-84-92644-49-0
Páginas:
116
Encuadernación:
Rústica con solapas
Colección:
BIBLIOTECA FERROLTERRA
-5%
15,00 €
14,25 €
IVA incluido
En stock
Estado: 2ª Mano \'COMO NUEVO\'
Añadir a la cesta

SIN MARCAS DE USO

Resúltame difícil resumir sesenta e dous anos da historia de La Ibense nestas apertadas liñas e aínda máis poder explicar como esta xeadería permanece viva hoxe na memoria colectiva de moitos ferroláns. O seu nacemento foi froito dunha emigración andoriña que levou a fins do século XIX a un grupo de modestos emprendedores de Ibi (Alicante), por diferentes lugares de España para montar os primeiros obradoiros artesanais para a elaboración dos xeados e dos que nacería o nome de La Ibense. Un destes pioneiros foi Carlos Rico Fuster que o día 24 de xuño de 1924 asomaba nas páxinas do xornal local El Correo Gallego.

Velaí un pequeno resume do cronista:
La diosa Casualidad nos ofreció ayer ocasión de conocer una nueva industria recientemente instalada en nuestra localidad. Trátase de un establecimiento situado en el número 130 de la calle Magdalena (...) El jefe de La Horchatería Moderna (...) nos invitó a adentrarnos en el obrador, presenciando la fabricación de sabrosos mantecados por maquinaria americana modernísima.

E aquí entra o meu avó Vicente Llorca como encargado do devandito establecemento, que chega á nosa cidade acompañado dunha cuadrilla de operarios que atendían o negocio e tiraban duns carriños con rodas de madeira mentres anunciaban por rúas e prazas as diferentes variedades de xeados. Rematada a tempada estival retornaban aos seus fogares levantinos. Á volta do ano seguinte a demanda dos clientes anima a Carlos Rico a montar outro obradoiro nos xardíns de Suances, nun pequeno templete de inspiración modernista, que fora deseñado polo sobranceiro arquitecto Rodolfo Ucha e que, como outras arquitecturas efémeras da cidade, foi derrubado en 1928. Esta emigración estacional interrómpese coa morte do activo empresario e, a partir de 1933, Vicente Llorca establécese coa súa familia en Ferrol asentando definitivamente La Ibense en Cantón 4, onde vai permanecer ata o 1 de maio de 1986, cando os meus pais, Pepe e Amelia, deixan o negocio familiar, despois da súa xubilación. Lembro dende a miña infancia que a tradición familiar mantiña a idea de que os meus avós, coñecidos tamén como Los Valencianos, foron os primeiros en introducir en Ferrol tanto os xeados, como a horchata, a limonada e as patacas fritidas, pero os historiadores sabemos que a historia oral é unha fermosa fonte de coñecemento, pero que como documento hai que cuestionala e a dicir verdade, a miña familia non foi pioneira na chegada deste produtos consumidos pola clase media e alta da sociedade ferrolá no seu tempo de ocio. Entón cabe preguntarse a que se debe o seu ben merecido prestixio gañado ao longo de tantos anos? A resposta e ben sinxela: a calidade das materias primas naturais e á súa elaboración paciente e minuciosa.
Só queda por explicar por qué para varias xeracións de ferroláns La Ibense foi considerada como a segunda casa de moitos clientes. A explicación é tamén sinxela: porque naqueles tempos ofrecía un ambiente moi familiar, onde os pais tiñan a seguranza de que as súas fillas podían pasar unha tarde cos seus noivos formais xogando ao parchís, as nais podían conversar coas amigas e veciñas mentres os seus fillos xogaban libremente polo Cantón, os homes botar unha partida de cartas sabéndose localizados polas súas donas e os xoves conspirar cos seus compañeiros de estudos sobre as maneiras de cambiar o mundo o de realizar os seus sonos de futuro. A todo iso uníanse uns cantos camareiros profesionais, como Platas, Paco ou Javier, que coñecían os gustos dos clientes e atendían con prontitude, pulcritude e seriedade as súas demandas.
Estas son algunhas das razóns polas que o doce sabor dos xeados permanece gustoso no padal de moitos ferroláns, protagonistas desta historia local.

Otros libros del autor

">