María Victoria Moreno (Valencia de Alcántara, 1939- Pontevedra, 2005) foi profesora na secundaria e escritora en lingua galega. Empregando as súas propias palabras, a súa opción polo galego foi “unha historia de amor”. Dedicouse principalmente
á literatura infantil e xuvenil e exerceu como profesora de ensino secundario en varios institutos. Deste xeito, ensinou a toda unha xeración de mozas e mozos a amar a vida, a literatura, e a levar adiante os proxectos máis fermosos. E sempre dende unha visión comprometida, divertida e apaixonada.