DE SANTIAGO Y GADEA, AUGUSTO C.
Augusto de Santiago foi un deses galegos actualmente esquecidos, pero que no seu tempo foi unha figura recoñecida por todos.
Militar por tradición familiar, isto non lle supuxo problemas para colaborar en practicamente todas as revistas que na súa época (entre 1855 e 1915) existiron en Galicia, e na maioría delas de Madrid, chegando mesmo a fundas unha propia, Galicia.
Foi un autor prolífico que escribiu sobre temas militares, biografías, feitos históricos, opinións políticas e sociais da época, recompilacións de anécdotas e lendas, etc.
E que, sobre todo deixounos esta obriña deliciosa onde recompila xogos populares que un baril militar de grandes bigotes coñecía perfectamente, polo que se pode comprobar. Como un Lewis Carrol galego amosa unha afinidade asombrosa coas neniñas e cos seus xogos e mundos particulares.
