Rumores baixo o luar xorde como un proxecto de reinterpretación. Un novo prisma dende o que abordar as vellas lendas e personaxes que conforman o folclore galego, aquelas historias que ilustran o carácter místico de todo un pobo e as súas máis profundas influencias culturais. Deste xeito, confórmanse, doce relatos que percorren os mitos nacidos do terror, a superstición e, sobre todo, a desbordante imaxinación das xentes de Galicia.
