SANCHEZ, SERGIO; MONTES, MARÍA
«Aquela casa de cor gris, atrapada no medio do tráfico, sempre chamara a miña atención. Quen podería vivir rodeado de asfalto, sen comunicación ningunha? Estaba convencida de que alí só podía habitar unha bruxa. Unha tarde de inverno decidín cruzar a autoestrada e, malia que non coñecín ningunha meiga, si descubrín quen son as moiras.» Se vós tamén queredes saber o que son as moiras e vivir unha aventura chea de ritmo e misterio, acompañade a Daniela na súa visita a esa casa en ruínas habitada por unha vella moi peculiar.
