Corazón entre desertos está composto de 18 pequenas obras mestras que ensinan a realidade dunha sociedade en transición, a da Galicia actual. Pode considerarse o froito das relacións que se establecen entre a realidade e as súas metamorfoses. Desenvolvendo unha narrativa atenta a captar o pulso da vida mesma, o libro conxuga ese verbo en diferentes claves, que van dende o apalpar nos aconteceres cotiáns ata a súa trasnsmutación mítica.