o termo globalización, neste cambio de milenio, adquiriu unha interpretación exclusivamente económica que o priva do sentido positivo que puidera ter; denomina o sistema imperante, o hipercapitalismo, que entende o globo terraqueo como un só ente económico, como un gran mercado.
Ás portas do século XXI, un dos grandes problemas é que globalizar, en lugar de ser a universalización dos progresos tecnolóxicos, os avances médicos, as posibilidades de comunicación e información e o respecto polas identidades múltiples, o que vén ser é a universalización da destrucción estructural do emprego, a crise da identidade política, o papel restrinxido do Estado, a violación sistemática dos dereitos humanos, a desinformación crecente gracias á trepidante sucesión de instantáneas televisivas e a uniformidade cultural como forma de imperialismo. Este é o eixo temático das reflexións, que agora recolle Globalización e cambio de milenio, asinadas por Osvaldo Martínez, Emilio Lledó, James Petras, Ignacio Ramonet, Jorge Álvarez Yagüez, Enrique Sáez Ponte, Xosé Luís Barreiro Rivas, Luís Álvarez Pousa, Herminio Barreiro, Amada Traba, Xurxo Souto e Miguelanxo Prado.
-5%
