AGÍS VILLAVERDE, MARCELINO; BUENO,P.; LOPEZ,X.; VASCO,P.; ALVAREZ,L.
A historia do pensamiento galego nos séculos XX e XXI conforma unha parte substancial da cultura galega. Son xa moitos os autores e autoras que ao longo do pasado século e en eudos como a filosofía, a antropoloxía, a filosofía moral e política, a filosofía da ciencia ou a hermenéutica filosófica, entre outros. Asemade, tanto os temas como as canles elixidas para a transmisión dese pensamento permiten situar, sen complexos, á nosa tradición filosófica no marco cultural europeo.
A través das páxinas deste libro podemos comprobar como se foi producindo este proceso de incorporación do pensamiento galego á cultura actual, tanto desde o punto de vista dos seus creadores como da súa presenza na vida social e institucional de Galicia. Un amplo percorrido que conforma xa unha tradición, aínda non ben coñecida nin estudada, se cadra porque a etapa filosófica dunha cultura é serodia.
Lendo a obra de Marcelino Agís somos testemuñas dunha realidade vizosa que permite albiscar con certo optimismo o futuro da nosa creación filosófica. Tradición e futuro: velaí os dous eixos desta aproximación histórica ao pensamiento galego actual e ao seu porvir.