Lusco é un trasno que viste de verde; Fusco, unha fada á que lle gusta a cor malva. Os dous son grandes amigos e viven no bosque. Polas noites, Lusco e Fusco saen en busca de soños: a fada atrápaos cun cazasoños antes de que se esvaezan para sempre. Unha noite ocórreselles un plan xenial. Pero un inesperado accidente está a punto de botalo perder. E é que lles sucede algo que lles dá moita vergoña... Como lograrán saír do enredo?