Este trabalho aborda o funcionamiento do sistema cultural galego na passagem do franquismo para a regime autonómico. Com base na análiso do processo de construçom do Sistema Literario Galego entre 1974 e 1978, o livro estuda a estrutura, a evoluçom, a distrbuiçom social e geocultural, as relaçons internas e externas, e as normas e os materiais com que som establecidas as margens desse sistema deficitário. O estudo ocupa-se, aliás, dum período histórico caracterizado pola forte mudança política e em que som fabricadas ou socializadas no espaço político e cultural da Galiza um conjunto alargado de ideais em grande medida ainda hoje vigorante.
Para além de analisar as tomadas de posiçom, os programas e as estratégias com que os grupos ativos no campo político e cultural da Galiza do final do franquismo pretendem balizar e identificar e comunidade galega, umha leitura desde o presente pode, quiçá, ajudar a entender as posiçons ocupadas na Galiza autonómica por esses grupos, assim como o relativo sucesso ou fracasso das suas ideais e estratégias político-culturais em relaóm com o frau de naturalizaçom delas na sociedade galega. Quiçá, até, essa leitura seja oportuna para nos perguntarmos em que medida as ideias e estatégias que hoje nos construem garatem a soberania e a visabilidade da Galiza como comunidade político-cultural diferenciada, e de que maneira elas contribuem, ou nom, para o bem comun.
