POMPAS DE CORES

Pompas de cores percorre con sensibilidade e sentido do humor temas e historias próximas ao mundo dos pequenos onde estes se sentirán ben identificados. Non falta o mundo animal e as diversas relacións que se establecen cos cativos: lagartixas sen cola, xoaniñas sorprendidas coas preguntas que se lles fan, tartarugas moi leeentaaas…, arañas con mala prensa, cabaliños de buxo ou caracois envexosos das coloridas bolboretas. Pero tamén aparecen nenos aos que hai que querer moito sen importar como son, pelexas de irmáns, nenos que non valoran os regalos que se lles fan, cativos que xogan nas cociñas e pompas de cores, efémeras e divertidas.