María Mariño. Vida e Obra é un amplo e e revelador percorrido arredor da dimensión humana, biográfica, literaria e histórica da figura celebrada nas Letras Galegas 2007. Este libro da autoría de Carmen Blanco, a investigadora que máis sistematicamente estudou a obra de María Mariño, percorre a figura da escritora a través da análise das distintas versións, algunhas moi polémicas, que se deron dela, acometendo un fundamentado estudo sobre a súa poesía.
Carmen Blanco aborda desde o feminismo cuestións problemáticas como a idade de María Mariño, a súa imaxe física, o seu estatus de escritora, o seu afastamento da cultura oficial e o suposto achegamento á cultura popular, así como as influencias de Rosalía e Novoneyra. Ademáis o libro realiza un percorrido polas distintas visións e escasas relacións que a escritora noiesa mantivo en vida.
Finalmente, unha rigorosa análise da obra poética de María Mariño ponlle o ramo a esta esixente e completa monografía elaborada pola profesora e investigadora Carmen Blanco.
