O DESERTO DE XEO

A profecía cumpriuse e os clans das bruxas Omar esperan que Anaíd, a elixida do cabelo de lume que posúe o cetro do poder, acabe coas sanguinarias bruxas Odish. Pero Anaíd ten quince anos, está namorada e é máis vulnerable ca nunca aos perigos que a axexan e que a obrigan a fuxir na compaña da súa nai. Durante esta viaxe desesperada, Anaíd desentrañará a lenda negra que se forxou ao redor de Selene, durante a súa xuventude atolada e rebelde, e coñecerá a súa orixe: forxada na dureza do xeo, filla da neve, irmá da osa. Por fin, o misterio que envolvía o nacemento da elixida será desvelado. E a verdade non podería ser máis aterradora…