O "Ordo prophetarum" é un drama litúrxico do século XII, agora recuperado e traducido. Trátase dunha peza senlleira dentro do ciclo dos dramas litúrxicos medievais. Describe o anuncio da vinda do Mesías por parte dos profetas bíblicos e persoeiros da paganía. Representábase nas matinas de Nadal e, na sé compostelá, serviu de modelo iconográfico para o Pórtico da Gloria. O Mestre Mateo asumiu o reto de deter o tempo e labrar en granito os acenos e a música dunha noite antiga.
