TE, CHOCOLATE, CAFÉ. GOLFIÑOS

Golfiños naceu un outono de hai moitos anos, e aínda que este é o seu primeiro disco eu teño a sorte de escoitalos dende sempre.

Golfiños é a voz melodiosa e única de Eli que fundida cos acordes máxicos de Josiño fan que te namores e viaxes máis alá. No camiño apareceu Diego cos seus dedos delicados e aportou un aire novo e fresco.

Golfiños é traballo, experiencia e constancia, un bo saber facer, un xeito de amar a música.
Golfiños exerce un poder máxico sobre min e sobre quen os escoita que fai que xa non podas deixar de facelo nunca máis.
E agora, por fin, un disco para que todos gocedes destas marabillosas cantigas.

Comparto con vós este tesouro que tiña agochado dende hai anos: GOLFIÑOS.