Este libro é o resultado de anos de avións e carrilanas, hoteis de luxo e tugurios imposibles, autoestradas e camiños anegados pola lama en busca da presenza galega no mundo. O autor deste conxunto de relatos viaxeiros visitou vinte e dous países nos cinco continentes e percorreu 250.000 quilómetros co único obxectivo de retratar nunhas poucas páxinas as variadas existencias dunhas cantas ducias de galegos espallados polo mundo.
