A CARPINTERÍA DE RIBEIRA E OS ESTALEIROS NO CONCELLO DE OUTES

García Suárez ofrécenos unha completa panorámica sobre a carpintería de ribeira e os estaleiros nun concello pertencente á ría de Muros-Noia como é o concello de Outes. Logo dunha breve introducción sobre as orixes e importancia que as comunidades de pescadores tiveron no desenvolvemento socioeconómico da ría, así como as actividades relacionadas co comercio e o transporte de persoas por mar, o autor céntrase de xeito especial nos séculos XIX e XX, nos que apoiado na consulta dunha rigurosa documentación en arquivos e rexistros da Capitanía Marítima de Noia, pon de manifesto a grande importancia que a actividade constructora naval en madeira acadou no concello de Outes.
Xoán F. García con este traballo contribúe a rescatar da invisibilidade unha parte desa xeografía invisible que se corresponde coa historia marítima da ría de Muros e Noia, para poñela a disposición de todos nós. Un esforzo loable que fai xustiza a unha actividade e a unhas persoas admirables posuidoras dunha habilidade e enxeño para construír algo tan extraordinario como un barco de madeira.