Anna Turbau. Galicia 1975-1979 recolle algúns posibles ollares ao traballo fotográfico de Anna Turbau (Barcelona, 1949) nuns anos vizosos nun terreo aparentemente vougo pola inercia silente dos tempos represivos. O Consello da Cultura Galega atende co presente volume á preservación, estudo e difusión deste legado de máis de 10 000 negativos que, alén dunha estética tan precisa como intensa, documenta a situación política, social e económica deses anos.
