Froito da experiencia e do recoñecido prestixio do autor, este manual diríxese a organismos e institucións do estado e a diversas entidades públicas ou privadas que teñan que participar en actos oficiais do máis variado, dende recepcións, audiencias ou banquetes ata simples encontros para un fuxidío saúdo. Ofrece unha solución axeitada a cada situación mediante a interpretación das normas legais sobre cerimonia e protocolo, dominando sempre a discreción, a cordialidade e o bo entendemento.
