Mariña Pérez Rei, a autora de Mallantes, é profesora e escritora.
Licenciada en Filoloxía Galego-Portuguesa e Filoloxía Hispánica. acadou no ano 2005 o Premio Eusebio Lorenzo Baleirón coa súa primeira obra, Fanerógrama.
A esa iniciación literaria seguiron outros libros, de poesía e narrativa, e importantes premios e recoñecementos.
Foi seleccionada para a Antoloxía da Etapa de Fundación e, con Paquidermo (2011), ingresa na corrente filosófico-poética do SENTIMENTALISMO. Asemade é autora, con Carlos Arias, da Antoloxía da Etapa de Implantación do Movemento.
Esta nova contribuación de Mariña Pérez Rei, Mallantes, aparece na colección exclusiva "Unha obra maestra do SENTIMENTALISMO", prevista para un número limitado, moi limitado, de autoras e autores.
Mallantes é unha obra dinámica, que flúe, un gran xogo: un gran poemario unitario, poliédrico, inzado de significados e lecturas. Inspirado pola vontade de crear a obra total, constitúe un mundo en si mesma e, por tanto, suxeito ás súas propias tramas e lóxicas internas. Escrita con paixón.
