“O libro que ten nas súas máns relata a historia de Esteiro, parroquia do Concello de Muros, aínda que podería ser a de calquera pobo da nosa Galicia costeira dos que xurdiron ou se dinamizaron tralo establecemento dos denominados “fomentadores” cataláns a primeiros do século XIX. Precisamente a ubicación xeográfica e temporal deste traballo é o que o fai realmente novedoso, xa que nos mostra como era a vida nestes pobos a partir de documentación na súa meirande parte inédita, tanto pública como privada, que non sería doado describir se non se limita no espacio e no tempo.
A concentración de familias catalás e o poderío económico dalgunha delas fixo deste pobo o paradigma da “colonización” catalá en Galicia na primeira metade do século XIX. Neste libro encontrarán información detallada sobre os negocios destes empresarios, a navegación de cabotaxe asociada ás súas industrias da salgadura e, en xeral, a súa participación na vida social do momento. Por outra banda, tamén se inclúe unha análise pormenorizada da transformación sociolóxica da bisbarra e da alteración do seu entorno mariño.”
