Este conxunto de traballos representa un avance no necesario camiño de considerar o bosque atlántico como un todo: un ecosistema tan característico e de tal diversidade que representa un patrimonio cultural ao tempo que natural, que é orixe en boa parte da nosa flora e fauna máis peculiar e ameazada e que require un trato específico. O libro caracteriza e repasa a situación dos bosques atlánticos na maioría do seu ámbito xeográfico: desde o norte peninsular, pasando polo dominio atlántico francés até as Illas Británicas.
