ESGOTADOA papiroflexia é a antiquísima arte de representar o que nos rodea por medio das pregaduras dun papel. Xurdiu en Xapón algún tempo despois da invención do papel, froito do enxeño humano e que viu a luz por vez primeira en China no século II da nosa Era.A palabra xaponesa equivalente a papiroflexia é origami, que provén da unión dos termos oru (dobrar, pregar) e kami (papel).A papiroflexia é ante todo un entretemento e unha diversión. E vaia que diversión! Esta práctica non coñece fronteiras, pódese realizar a calquera idade e está ao alcance de todas as mans. Traballar coas mans axuda a desenvolver as nosas habilidades. Creatividade, imaxinación, pericia e bo facer son potenciais que todas e todos levamos dentro. Para que afloren, só precisamos de papel e un pouco de paciencia. A papiroflexia ocúpase do resto.
