Se hai un cumio ou monto mítico, simbólico e histórico a un tempo, en Galicia, este é o Pico Sacro. Elévase garboso ao leste de Compostela, no Boqueixón, a 533 metros de altitude. Este libro reúne a obra de noventa autores e autoras arredor desta cima única. Unha edición ao coidado de Miro Villar e Xosé Manuel Lobato, responsables dun traballo pionero: recompilaron textos clásicos, históricos -algúns ben coñecidos, outros moi poucos divulgados ata hoxe- e puxéronos a dialogar con novas composicións, inéditas, de autores e autoras actuais. Dende o Rexurdimento ata os nosos días, o Pico Sacro fui constante invocación literaria, e esta obra é a proba evidente. Poemas, relatos, ensaios, crónicas xornalísticas, ata contos infantís... "Histoiras e ficcións mestúranse aquí nun binomio inseparable", sinalan os artífices desta convocatoria.
Subamos pois ao Pico Sacro. E academos, dende Galicia o universo enteiro. Un universo escrito que se desprega en cada unha dsetas páxinas.
-5%
-5%
-5%
-5%
-5%
