O “mítico” Unicornio de cenorias que cabalgas os sábados de Ronseltz volve ás librarías da man de Edicións Positivas. O único libro do rompedor colectivo poético formado por Xabier Cordal, Manolo Cortés, Serxio Iglesias, Miguel Montes e Xoán Carlos Rodríguez está de novo en circulación vinte anos despois.
“Se isto é poesía, que veña Rosalía e o vexa”, dicía Carlos Blanco na presentación de unicornio de cenorias que cabalgas os sábados nunha Ultranoite das da Sala Nasa do ano 1995...
