Escenas de canibalismo e de ritos satánicos; asasinatos cometidos baixo a sombra da impunidade; un mozo que deposita todas as súas esperanzas de redención nun concerto de death metal; existencias destruídas polos remorsos ou por unha soidade insoportable... Depósito de cadáveres é un conxunto de once relatos duros e violentos. O sexo, a brutalidade dos que acaparan o poder, o misterio sobrenatural e a loucura son outros ingredentes deste libro, poboado por personaxes que ven como as súas ilusións se esnafran contra unha realidade decotío cruel. Pero tamén hai unha regandixa pola que se coan a tenrura e o humor.
