Simón non é un bico calquera. Un día emprende un voo na procura duns labios. Ese é o destino soñado. Porque Simón é un bico de amor. Si, é fermoso ser un bico de amor. Pero non é doado. Porque case nunca é doado atopar o amor verdadeiro. Cara a esa meta desexada bate coa pena Macarena, coas dúbidas Lalalalá, coa trola Vanesa ou con? psss psss psss? o peido Beatriz. Con tanto atranco, será posible que Simón acade o seu obxectivo?
