Por fin, Mael vai participar na colleita das cereixas como un adulto máis, e iso éncheo de fachenda. Porén, a sombra dunha traxedia inesperada vai empanar a súa alegría. A repentina e misteriosa enfermidade dos seus pais, embarca o rapaz nunha viaxe que o levará moi lonxe do seu fogar. Nela coñecerá seres fabulosos e deberá enfrontarse a probas nunca antes imaxinadas, das que só un Afouto poderá saír con ben.
