O SISTEMA FINANCEIRO EN GALICIA

Pablo Durán, Celia López e Luis Otero achégannos de forma clara, precisa e crítica as características particulares do sistema financeiro galego xa que, contando coa mesma moeda, o mesmo panel lexislativo/regulamentador e idéntica autoridade monetaria que preside o espazo económico da UE e a do Estado, non ten os mesmos servizos financeiros.
A análise pormenorizada abrangue un estudo da evolución do mercado do crédito, do hipotecario, da evolución dos depósitos nas entidades de crédito, así como a muda progresiva cara ao financiamento non bancario dos proxectos empresariais.